باکي ۱٥۰۱ روماني شاه اسماعيل خطايي-نيݣ شروان‌شاه فرّخ ياسار ايله مبارزه و باکيني اله کئچيرمه‌سي حادثه‌سي اوزرينده دايانير. رومانيݣ باش قهرماني شاه اسماعيل خطايي هم بير شاه، هم بير سيّاح کيمي تصوير ائديليب. بورادا شاه اسماعيل-يݣ اوشاقليغي، تخته چيخماسي، شاعر کيمي فعاليتي، ملّي شعورونو، وطن‌پرورليگي، تمکينليگي، گئݣيش دنيا گؤروشو، آچيق فکرليگي، شعرلري ايله قوشوندا روح يوکسکليگي ياراتماسي و بوتون دويغولاريني گؤرستميش و گئݣيش عکسيني تاپميشدير. روماندا شيعه‌ليک طريقتي‌نيݣ باشچيسي اون دؤرد ايلده اون دؤرد ايالت فتح ائتميش سرکرده، حکمدار «دهنامه» کتابي‌نيݣ مؤلفي شاعر خطايي شاه اسماعيل ايله ياناشي حاکم ميرزا علي، بهرام قاضي، بيبي‌خانيم سلطانيم، آيتکين، رحيم بگ، ابراهيم و باشقا صورتلر ده ياراديلميشدير. رومان بو جمله ايله بيتير.
«سيزه اوچ امانت قويوب ارن بابالار: ديليميز، غيرتيميز، وطنيميز – جان سيزين جان اونلار امانتي.»
نقد و بررسی‌ها
هیچ دیدگاهی برای این محصول نوشته نشده است.